Жаңы жылдан баштап Кыргызстанда бир куту тамекини 135 сомдон төмөн сатууга тыюу салынат

Министрлер кабинети тамеки үчүн дүң жана чекене сатуунун минималдуу бааларын бекитти. Бул токтом келерки жылдын 1-январынан тартып күчүнө кирет.20 даана тамеки же 20 даана тамеки таякчасы (стик) үчүн минималдуу баа 2027-жылы — 135 сомду, 2028-жылы — 150 сомду, ал эми 2029-жылдан баштап 165 сомду түзөт. Баанын ушул эле чектери ысытылуучу тамеки капсулаларына да тиешелүү. Бул тизмеге салттуу "папиростор" киргизилген эмес.

Бул жерде баанын төмөнкү чеги жөнүндө сөз болууда: аталган продукцияларды белгиленген суммадан жогору баада сатууга болот, бирок андан төмөн сатууга болбойт. Талаптардын сакталышын Мамлекеттик салык кызматы көзөмөлдөйт.